Новости

У Баранавіцкім раёне адбылося вяселле з элементамі мясцовых традыцый

02 февраля 2023
Super User
Новости

1 1 1 1 1 1 1 1 1 1 Rating 5.00 (1 Vote)

На базе раённага цэнтра рамёстваў у аграгарадку Русіно 29 студзеня адбылося мерапрыемства “На парозе новага жыцця” з элементамі традыцыйнага вяселля. У аснову тэатралізаванага дзеяння былі пакладзены вясельныя традыцыі Баранавіцкага раёна, а галоўнымі героямі сталі сапраўдныя маладажоны – Ганна і Юрый Салавей.

Як расказала метадыст раённага цэнтра рамёстваў Ніна Коўш, гаспадары сустрэлі маладых хлебам-соллю, павязалі ім рукі чырвоным поясам і запрасілі прайсці ў дом абрадаў.

Тут жаніху і нявесце перад афіцыйнай рэгістрацыяй шлюбу супрацоўнікамі Вялікалукскага сельскага Савета прыйшлося прайсці шэраг выпрабаванняў: малады вязаў банны венік, малоў на жорнах муку, рамантаваў рагулі, з дапамогай якіх ставіў гаршок з бульбай у распаленую печ.

Маладая ж таўкла прыправы ў ступе, пляла першы сумесны пояс-абярэг, прасавала ручнік старадаўнім пранікам, як гэта рабілі ў даўнія часы.

А для таго, каб маладыя жылі ў багацці і шчасці, іх пасадзілі на лаву, засцеленую кажухом. Напрыканцы гаспадары падарылі маладым традыцыйныя сямейныя абярэгі: ляльку Багач – для моцнай і трывалай гаспадаркі, каб не пераводзіліся грошы, ляльку Дзесяціручку, памочніцу для маладой у хатніх справах, і ляльку Неразлучнікаў – абярэг сямейнага шчасця.

По материалам "Наш край".

Просмотров: 1

Пакаштавалі “Бульбу з ільном” і зрабілі свечку з вашчыны: у Баранавіцкім раёне прайшоў “Тыдзень беларускіх традыцый”

23 января 2023
Новости

1 1 1 1 1 1 1 1 1 1 Rating 0.00 (0 Votes)

20 студзеня супрацоўнікі раённага Цэнтра рамёстваў у межах “Тыдня беларускіх традыцый”, які праводзіўся ў Русіноўскай сярэдняй школе Баранавіцкага раёна, запрасілі дзяцей на шэраг цікавых мерапрыемстваў.

Так, у школе можна было ўбачыць выставу работ удзельнікаў аматарскага аб'яднання “Творцы”, а таксама выставу работ удзельнікаў гурткоў “Ручное ткацтва”, “Дэкаратыўна-прыкладное мастацтва” і “Пчалярства”.

Вялікую цікавасць у дзяцей выклікала выстава-дэгустацыя традыцыйных страў беларускай кухні “Рэцэпты нашых бабуль”, падрыхтаваная аматарскім аб'яднаннем “Крамбамбуля”. Тут дзеці маглі пачаставацца стравамі па рэцэптах, якія запісаны са слоў мясцовых жыхароў і якія гатавалі тут яшчэ сто гадоў таму. Тут і узвар, і бульба з ільном, і кіслая капуста, і дранікі.

Таксама школьнікі паўдзельнічалі ў майстар-класах “Свечка з вашчыны”, “Саламяны птах” і “Фенечка”.

По материалам "Наш край".

Просмотров: 35

Мастера народного творчества любительского объединения "Творцы" районного Центра ремесел приняли участие в областной выставке-ярмарке "Берестейские сани"

18 января 2023
Super User
Новости

1 1 1 1 1 1 1 1 1 1 Rating 5.00 (1 Vote)

14 января 2023 г мастера народного творчества любительского объединения "Творцы" районного Центра ремесел приняли участие в областной выставке-ярмарке "Берестейские сани".

Просмотров: 49

Тэатралізаваная гульнёва-пазнаваўчая праграма "Запрашаем у нашу хату. Калядныя вячоркі" прайшла ў раённым Цэнтры рамёстваў аграгарадка Русіно

16 января 2023
Super User
Новости

1 1 1 1 1 1 1 1 1 1 Rating 0.00 (0 Votes)

13 студзеня, у канун Старога Новага года, супрацоўнікі раённага Цэнтра рамёстваў з аграгарадка Русіно, сумесна з навучэнцамі і класным кіраўніком 6 класа ДУА"Русіноўская сярэдняя школа" Баранавіцкага раёна правялі тэатралізаваную гульнёва- пазнаваўчую праграму "Запрашаем у нашу хату. Калядныя вячоркі".

Падчас мерапрыемства навучэнцы даведаліся, як жылі нашы продкі, якія ў іх былі традыцыі, якія былі святы ў народным календары, якія лялькі - абярэгі суправаджалі чалавека на працягу ўсяго жыцця.

На майстар-класе кожны зрабіў для сябе ляльку "Масленку". А напрыканцы праграмы дзеці паказалі падрыхтаваную, тэатралізаваную замалёўку абрада "Калядкі".

Метадыст РЦР- Круцько К.А.
Педагог-арганізатар - Сліж М.В.