Масленiца у Моучадскiм СДК
Масленіца – старажытнае славянскае свята, якое дасталося нам у спадчыну ад паганскай культуры. Гэта – вясёлыя провады зімы, азораныя радасным чаканнем блізкага цяпла, вясновага абнаўлення прыроды. Нават бліны - абавязковы атрыбут Масленіцы, маюць рытуальнае значэнне: круглыя, румяныя, гарачыя, яны ўяўляюць сабой сімвал сонца. 1 сакавіка ў СДК вёскі Моўчадзь прайшло сапраўднае народнае гулянне, прысвечанае провадам зімы і апошняму дню Масленіцы.
На працягу ўсяго свята нястомна забаўлялі народ, вадзілі карагоды, праводзілі вясёлыя конкурсы для дзяцей і дарослых разудалыя скамарохі, Забава, баба Яга, кікімара і цыганка.
Парадавалі сваімі выступамі ўдзельнікі аматарскага аб'яднання «Натхненне» Маўчадскага СДК, ансамбль народнай песні «Вечарынка» Палонкаўскага СДК. Была арганізавана выстава работ удзельнікаў аматарскіх аб'яднанняў «Творцы» раённага Цэнтра рамёстваў, «Майстрыха» і «Залатыя ручкі» Свіранскага СДК, «Фабрыка майстроў” Маўчадскага СДК, а так сама «Маслянічны Біблія-кошык" ад Маўчадскай СБ.
Свята не адбылося б без галоўнай падзеі – спалення пудзіла Масленіцы, якое сімвалізуе сыход зімы, прыход першага вясновага цяпла і росквіт прыроды. Таксама з Масленіцай гараць усе беды і няўдачы, усё дрэннае ляціць, як попел, а застаецца толькі светлае і чыстае. А якое ж свята без пачастункаў! Свята Масленіца, як і павінна быць, не абышлося без гарбаты і бліноў.
К.Круцько
Метадыст РЦР
- Просмотров: 2198